Uğur Əsin
Türkcə şeirlərim
یاییلیب : پنجشنبه 27 بهمن 1390 | یازار : uğur əsin | بؤلوم : شعرلريم | 2 باخيش لار


چاتمير هئچ شاعيرين طبعي ازلدن
آنا طبيعتين دوغما طبعينه
شعري قلميندن جوشور سئل كيمي
بيز شاعيرجيكرين سيزما طبعي نه؟

بولاق تك دوم- دورو ، اينجه غزللر
اينسان اوره ييندن جوشا بولرمي؟
دالغا مثنوي سين، بولوت سربستين
من تك شاعيرجيكلر قوشا بولرمي؟

بابك حماسه سين ، كوراوغلو سسين
داغلار قوشما سيندا يازان صنتكار
قوشار قارا باغدا قاندان مرثيه
اونا عومور بويو آغلار آنالار

دونيا شاعيرلري شعرين جالاسا
اولارمي آغرينين بير بيتي آراز؟
صمد معماسين ، ساراي آغي سين
آنا طبيعتين غيري يازانماز


اوغور اسين



یاییلیب : سه شنبه 25 بهمن 1390 | یازار : uğur əsin | بؤلوم : شعرلريم | 3 باخيش لار

آيدين قوجا :

وطن تورپاغيندان آپارما يانا

ياغدير بولود كيمي شعري غزه‌لي

ياشا اوغور اسين شهرين كؤزرسين

يازديق لارين  ياددا قالسين ازه‌لي

 


اوغور اسين :

وطن دئدين، گؤزلريمي آغلاددين
توپراق دئدين، پارچالاندي اوره ييم
شهر نه دير؟ آذربايجان كؤزه ردي
آيدين قوجا ياغماز، ياندي اوره ييم



یاییلیب : سه شنبه 25 بهمن 1390 | یازار : uğur əsin | بؤلوم : شعرلريم | 0 باخيش لار

 

سورورام قلمي سيگارا كيمي

وورورام كاغاذا كولو تؤكولور

توستوسو دولدوروب اوره ك گؤزونو

كول-كدر اؤسكوروب سينه م سؤكولور

 

آغزيما آجي دير ، سينه مه يارا

كاغاذا كول ايسه قالانير بوگون

خايالدا باشينا دولانميرام من

خايالين باشيما دولانير بو گون

 

گؤزله ريم قيزاريب ، دونيام قارالير

اؤزوم تك يازديغيم سؤز مورگولودور

اوره ييم كؤزه رير سيگارا كيمي

كاغاذا توكدويوم سونموش كولودور

 

اوغور اسين



یاییلیب : سه شنبه 25 بهمن 1390 | یازار : uğur əsin | بؤلوم : شعرلريم | 1 باخيش لار

اوجاليب شَهَردن ايلديريم سَسي

ياغماغا باشلادي دمير بولوتلار

باخيشلار ، اوزولوب مؤهورلر اوستن

اوره كلر ايچينه  سيندي قونوتلار

 

شَهَرين باشينا توپراق اَلنيب

آنالار يوخوسو آجي يوزولدو

گلين قيزلارينسا آلين يازيسي

تانكيلار ايزينده قارا يازيلدي

 

گليب داش هئيكللر جيبينده قورآن

آغزيندا غورورلو آللاه و اكبر

آنالار كؤكسونده تانرينين ائوين

بويادي آل قانا آغير گولله لر!

 

اوجاليب شَهَردن ايلديريم سَسي

ياغماغا باشلادي دمير بولوتلار

باخيشلار ، اوزولوب مؤهورلر اوستن

اوره كلر ايچينه  سيندي قونوتلار

 

 اوغور اسين

 



یاییلیب : شنبه 22 بهمن 1390 | یازار : uğur əsin | بؤلوم : شعرلريم | 2 باخيش لار

 

گئجه دير، اولدوزلار توكولوب يئره

طبعيمله شَهَرده آياقلاشيرام

دويغولار ، كدرلر اوجادان ياغير

بولوت كيمي دولوب غزل داشيرام

 

بير الده ديله يين بوغونوق سسي

بير الده اومودون آغير نفسي

 آيريليق هاواسي چالير دوورالار

بيتير اوره ييمده اؤلوم هوسي

 

سئوگينين اودونا يانان اوره ييم

دوروب گؤره جكسن سؤنوب دور سحر

بير پارچا كومورتك سنين اولاجاق

آياغيم آلتيندا كؤزرن شَهَر

 

 اوغور اسين

 



یارپاق لار : 1


Powerd By : ARZUBLOG.COM Theme Designer : Blogskin.ir